Lunes, Pebrero 26, 2024
Si Lambing
Panawagan ni Tita Flor ng Oriang
Linggo, Pebrero 25, 2024
Labintatlong pirasong pilak
Sabado, Pebrero 24, 2024
Kayraming basurang plastik sa Manila Bay
Pagkatha't pakikibaka
Pagtitig sa kisame
PAGTITIG SA KISAME
at muli, nakatitig ako sa kisame
pinagnilayan ang nadinig na mensahe
bakit kayraming tiwali, trapo't salbahe
bakit ba api ang dukha, bata't babae
sa ganyang sistema, ayokong manahimik
anumang puna't nakita'y isasatitik
marami man silang sa isyu'y walang imik
habang masa'y parang bawang na dinidikdik
ano bang meron sa kisame kundi sapot
marahil ng gagamba o baka may surot
subalit ang lipunan ay tadtad ng sapot
ng mga tuso't tiwali, nakalulungkot
kayraming trapong nang-iisa, nanggigisa
ng mga dukhang sa kanila umaasa
akala sila'y mga diyos at diyosa
na kaligtasan ng bayan ay tangan nila
walang dapat mang-api o mambubusabos
walang isang tagapagligtas, manunubos
masa't uring manggagawa na'y magsikilos
nang sistemang bulok ay tuluyang matapos
- gregoriovbituinjr.
02.24.2024
* litrato ng kisame mula sa naganap na Labor Forum on ChaCha sa UP, Pebrero 22, 2024







